FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
25 ოქტომბერს, ივანე ჯავახიშვილის სახელობის თბილისის სახელმწიფო უნივერსიტეტსა და ლუისის გვიდო კარლის უნივერსიტეტს (Luiss Guido Carli University) შორის საერთაშორისო მობილობის შესაძლებლობასთან დაკავშირებით, თსუ ეკონომიკისა და ბიზნესის ფაკულტეტის ბაკალავრიატის სტუდენტებისთვის საინფორმაციო შეხვედრა გაიმართა.
შეხვედრა გახსნა ეკონომიკისა და ბიზნესისი ფაკულტეტის დეკანმა, პროფესორმა გიორგი ღაღანიძემ. შეხვედრაზე ონლაინ ჩაერთო ლუისის უნივერსიტეტის პროფესორი მერი კაზაზი, რომელმაც დეტალურად აღწერა პროგრამის არსი, სტუდენტების შერჩევის კრიტერიუმები და უნივერსიტეტის აკადემიური და სოციალური აქტივობები, რომელშიც სტუდენტებს შეეძლებათ ჩართვა.
აღნიშნული თანამშრომლობით, რომელიც მემორანდუმის საფუძველზე ხორციელდება, საფუძველი ჩაეყარა სტუდენტთა მობილობის (Twinning Program) პროგრამის ამოქმედებას, რომლის ფარგლებშიც სტუდენტებს შეუძლიათ მობილობის საფუძველზე ბაკალავრის ხარისხის მოპოვება ეკონომიკის მიმართულებით. საბაკალავრო პროგრამა მოიცავს ოთხ სასწავლო წელს: პირველ სასწავლო წელს სტუდენტი დაფარავს თბილისის სახელმწიფო უნივერსიტეტში, მომდევნო ორი წლის განმავლობაში ისწავლის ლუისის უნივერსიტეტში, სწავლების მეოთხე წელს კი სწავლას დაასრულებს თბილისის სახელმწიფო უნივერსიტეტში.
შეხვედრა კითხვა-პასუხის რეჟიმში გაგრძელდა. განხილულ იქნა სტუდენტებისათვის საინტერესო ყველა საკითხი. დაინტერესებულ სტუდენტებს შესაძლებლობა ექნებათ ინდივიდუალური კონსულტაციები გამართაონ იტალიურ მხარესთან.
